Мастакі

Алесь Шатэрнік, вядомы беларускі скульптар і мастак, нарадзіўся ў 1940 г. Скончыў Пензенскае мастацкае вучылішча ў 1964 г. і Беларускі тэатральна-мастацкі інстытут у 1967 г.  Вучыўся ў такіх вядомых скульптараў, як І.Глебаў. , В.Гусеў, Г.Мурамцаў і іншыя майстры.

Алесь працуе ў галіне дэкаратыўнай і манументальнай скульптуры, а таксама ў іншых медыя. Выстаўляць свае работы ён пачаў у пачатку шасцідзесятых гадоў мінулага стагоддзя. З таго часу яго скульптуры з'явіліся ў зборах літаральна ўсіх буйных музеяў Беларусі, а таксама некаторых іншых буйных музеяў розных краін. Скульптуры Алеся можна пабачыць на вуліцах беларускіх гарадоў, у тым ліку і ў сталіцы Менску.

На пачатку дзевяностых Алесь пачаў маляваць алеем. Вядомы расійскі мастацтвазнавец і калекцыянер, арганізатар Музея сучаснага рускага мастацтва CASE Аляксандр Глезер кваліфікаваў стыль Алеся як неаімпрэсіянізм. За гэты кароткі час Алесь стварыў шмат прыгожых усходнееўрапейскіх краявідаў і шэраг шыкоўных карцін Венецыі. У некаторых яго карцінах прысутнічае і рэлігійная тэматыка.

Работы Алеся можна ўбачыць у Дзяржаўнай Траццякоўскай галерэі (Нацыянальны музей рускага выяўленчага мастацтва) ) у Маскве, Белым доме ў Вашынгтоне, Музеі мастацтваў Рутгерскага ўніверсітэта Цімерлі ў Нью-Джэрсі, Музеі рускага сучаснага мастацтва CASE ў Джэрсі-Сіці, Міжнароднай галерэі Стэла ў Парыжы, Францыя, а таксама шэрагу іншых беларускіх музеі. Яго работы таксама знаходзяцца ў шэрагу прыватных калекцый у ЗША, Расіі, Італіі, Ізраілі, Галандыі, Германіі, Бельгіі, Беларусі і іншых краінах.

У 2005 годзе Алесь разам са сваім сябрам вядомым беларускім мастаком Аляксеем Марачкіным стварылі вядомы беларускі Звон Свабоды , бронзавы звон, які быў часова канфіскаваны рэжымам дыктатара падчас так званай беларускай рэвалюцыі вясной 2006 г. 

Алесь – сябра Беларускага саюза мастакоў і творчай групы “Пагоня”