Серада, 18 лютага 2009 г. | |
12 лютага ў штаб-кватэры Нямецкага фонду Маршала ЗША адкрылася выстава мастацтва беларускіх дысыдэнтаў «Мастацтва супраць дыктатуры». Адбылася таксама дыскусія аб цяперашняй сітуацыі ў Беларусі з прадстаўнікамі беларускай дыяспары, беларускімі артыстамі, прадстаўнікамі дыпламатычных місій, акрэдытаваных у Вашынгтоне, урадавымі чыноўнікамі ЗША і прадстаўнікамі грамадскіх арганізацый.
|
Падчас дыскусіі ўдзельнікі абмяняліся меркаваннямі аб цяперашняй сітуацыі ў Беларусі. Абмяркоўвалі апошнія зьмены ў краіне (так званую «лібэралізацыю»), палітыку Эўразьвязу ў дачыненьні да Беларусі і тое, якой павінна быць амэрыканская палітыка ў дачыненьні да Беларусі пры новай адміністрацыі. Мадэратарам дыскусіі выступіў Павал Дэмес, дырэктар беларускай праграмы Нямецкага фонду Маршала. Сярод удзельнікаў былі беларускія мастакі Алесь Шатэрнік і Алесь Марачкін, каардынатар суполкі “Трэці шлях” Павал Марозаў, праваабаронцы Ірына Красоўская і Тацяна Процька, архіяпіскап Беларускай Аўтакефальнай Царквы Сьвятаслаў. Да дыскусіі прыняў удзел і першы амбасадар ЗША ў Беларусі Дэвід Суорц.
Выстава «Мастацтва супраць дыктатуры» — сумесны праект некалькіх беларускіх ініцыятываў дыяспары, які рэалізаваны пад эгідай Новай беларускай дыяспары Эўропы і Кангрэсу ЗША. Выстава складаецца з больш чым 30 твораў беларускіх мастакоў-дысідэнтаў і мае характар перасоўнай.
У экспазіцыю ўвайшлі творы беларускіх мастакоў Алеся Шатэрніка, Алеся Марачкіна, Міколы Купавы, Генадзя Драждова, Рыгора Батальёнка, Юрыя Платонава, Янкі Рамановіча і Юліі Шатэрнік.
Улетку 2008 г. ён дэманстраваўся ў парламенце Эстоніі. У будучыні плануюцца выставы ў ЗША, Канадзе, Скандынавіі і іншых краінах. Арганізатары мерапрыемства – суполка “Трэці шлях”, Беларускі моладзевы рух Амерыкі і Беларускі музей у Нью-Ёрку. Выстава стала магчымай пры падтрымцы Агенцтва ЗША па міжнародным развіцці (USAID), Нямецкага фонду Маршала ЗША, эстонскай грамадскай арганізацыі Valgevene Uus Tee, фонду Open Estonia і іншых партнёрскіх арганізацый.